निर्वाचनका लागि नेपाल समाजवादी पार्टी काभ्रेद्वारा उम्मेदवार छनौट

काभ्रे : मंसिर ४ गते हुने संघ र प्रदेश सभा निर्वाचनका लागि प्रत्यक्ष र समानुपातिक तर्फको लागि नेपाल समाजवादी पार्टीको काभ्रे जिल्ला समितिले उम्मेदवारहरु छनौट गरेको छ ।

समितिले प्रतिनिधि सभा क्षेत्र नं १ मा पूर्व सांसद अकल बहादुर थिङ, प्रदेश सभा क अन्तर्गत राजीव लामा र रामहरी खनाल, प्रतिनिधि सभा क्षेत्र नं २ मा इन्द्र बहादुर गोले, प्रदेश सभा क अन्तर्गत दावा लामा र प्रदिप कुमार प्रजापति प्रत्यक्षतर्फ सिफारिस गरेको छ ।

त्यसैगरी समानुपातिकतर्फ होमकुमार दोङ, सवर कुमार प्रजापति, प्रदेश सभातर्फ अनिता थिङ, सुन्दरी तामाङ, कुमारी तामाङ र प्रिष्टा प्रजापति सिफारिस भएका छन् । त्यस्तै आसन्न निर्वाचन र संगठनलाई चुस्त दुरुस्त बनाउनुको साथै जनताका समस्यासँग एकाकार हुनका लागि नेतृत्वलाई जिम्मेवारी समेत दिइएको छ ।

जसअनुसार किसान विभागको जिम्मेवारी राम गोपाल मानन्धर, विद्यार्थी फाँटको जिम्मेवारी सुनिशा लामा, तामाङ मोर्चातर्फ विकेश तामाङ, सहकारीतर्फ राजन सापकोटा, स्वास्थ्यतर्फ त्रिरत्न मानन्धर, नेवार मोर्चातर्फ पवन कर्णजीत, युवातर्फ सिंमान, शिक्षकतर्फ महेन्द्र विष्ट, मजदुरतर्फ प्रदीप जिसी, गैससतर्फ सुवास केसी, महिलातर्फ सुन्दरी तामाङ, उद्योग, व्यापारतर्फ सञ्जीव विक्रम थापा र सूचना तथा सञ्चारतर्फ श्याम प्रसाद सेवाचार्य सिफारिस भएका छन् ।

साथै समितिले जिल्ला अध्यक्षको नेतृत्वमा १ सय ९९ जना निर्वाचन परिचालन कमिटी गठन गरेको समेत जानकारी गराएको छ ।