निर्देशक एसएस राजामौलीको फिल्म ‘आरआरआर’ले कोरोना महामारीका कारण प्रदर्शन मितीलाई सारिसकेको छ । यसअघि यो फिल्म जनवरी ७ अर्थात आजबाट रिलिजको तयारीमा थियो । अहिले यो फिल्मविरुद्ध तेलंगाना उच्च अदालतमा उजुरी दर्ता गरिएको छ । उजुरीमा तथ्यलाई तोडमोड गरेको आरोप लगाइएको छ ।

समाचारअनुसार अदालतमा एक छात्रले उजुरी दिएका हुन् । सौम्या नामका छात्रले दर्ता गराएको उजुरीमा फिल्मले ऐतिहासिक तथ्यलाई तोडमोड गरेको जनाइएको छ । उनले फिल्म रिलिज रोक्न पनि माग गर्दै सेन्सर बोर्डलाई सर्टिफिकेट नदिन आग्रह गरेका छन् ।

उजुरीलाई तेलंगाना उच्च अदालतमा न्यायधिस उज्जवल बयानको बेञ्चले हेरिरहेको छ । बेञ्चले उजुरीलाई जनहित उजुरी भनेको छ । यसको सुनुवाई मुख्य न्यायधिसको बेञ्चले गर्नेछ । यद्यपि फिल्म निर्माताले यो विषयमा केही बोलेका छैनन् । फिल्ममा जूनियर एनटीआर, रामचरण, अजय देवगन र आलिया भट्ट प्रमुख भूमिकामा छन् ।


तपाईको प्रतिक्रिया