काभ्रे (पनौती) –  जिल्लाको पनौती नगरपालिका १० नं वडा कार्यालयको आयोजना तथा नेपाल बैक लिमिटेड खोपासी शाखाकोे सहकार्यमा डिजिटल बैकिङ्ग वित्तीय साक्षरता कार्यक्रम सम्पन्न भएको छ ।

बाल आदर्श मा.वि.खोपासीमा डिजिटल बैकिङ्ग वित्तीय साक्षरता कार्यक्रम शनिबार सम्पन्न भएको हो । पनौती नगरपालिका १० नं.वडा कार्यालयका वडा अध्यक्ष श्री मोहनबहादुर भण्डारीको सभापतित्वमा सम्पन्न उक्त कार्यक्रमको समुद्घाटन कार्यक्रमका प्रमुख अतिथि पनौती नगरपालिकाका मेयर श्री भिम न्यौपानेले गरेका थिए ।

कार्यक्रममा प्रमुख अतिथिपनौती नगरपालिका मेयर श्री भिम न्यौपानेले निकै ठूलो प्रयासपछि मात्र सो क्षेत्रमा नेपाल बैंकको शाखा स्थापना भएको स्मरण गर्दै यस क्षेत्रका बासिन्दाहरुलाइ डिजिटल वित्तीय चेतना अभिबृद्घि गर्न डिजिटलबैकिङ्ग वित्तीय साक्षरता कार्यक्रमा संचालन गरेकोमा नेपाल बैंकलाइ हार्दिक धन्यबाद ज्ञापन गरेका थिए ।

उक्त क्षेत्रका बासिन्दाहरुको वित्तीय आवश्यकता पुरा गर्न नेपाल बैंकलेथप नयां कार्यक्रमहरु संचालन गर्दै जाने विश्वास पनि उनले व्यक्त गरे । त्यस्तै नेपाल बैकका प्रमुख कार्यकारी अधिकृत श्री कृष्णबहादुर अधिकारीले नेपाल बैंकले खोपासी क्षेत्रलाइ प्राथमिकतामा राखि कार्यक्रमहरु संचालन गरिरहेको जानकारी गराउदै त्यस क्षेत्रका महानुभावहरुले नेपाल बैक प्रति देखाएको अपार विश्वास प्रति कृतज्ञता प्रकट गरे ।

नेपालको पहिलो बैकको रुपमा रहेको नेपाल बैकले ग्राहकको चाहना अनुसार प्रतिस्पर्धी मुल्यमा गुणस्तरिय बैकिङ्ग सेवा उपलब्ध गराएको र यसबाट लाभान्वित हुन सबैमा उनले आग्रह गरे ।

बरिष्ठ पत्रकार श्री मधुसुधन गुरागाईं, नेपाल बैकका सहायक प्रमुख कार्यकारी अधिकृत एवं प्रवक्ता श्री प्रकाशकुमार अधिकारी, बाग्मती प्रादेशिक कार्यालय प्रमुखश्री विनय केशरी पौड्याल लगायत विभिन्न राजनीतिक दलका प्रतिनिधिहरुले पनि आफ्नो बिचार व्यक्त गरेका थिए ।

उक्त कार्यक्रममा बैंकका मार्केटिङ् तथा अनुुसन्धान डिभिजन प्रमुख अर्जुन बहादुर कंडेलले डिजिटल बैंकीङ्को आवश्यकता,महत्व एवं यसका जोखिमहरुको बारेमा प्रकाश परेका थिए ।

नेपाल बैकका प्रमुख कार्यकारी अधिकृत श्री कृष्णबहादुर अधिकारीको विशिष्ट आतिथ्यता रहेको उक्त कार्यक्रममा नेपाल बैंकका सहायक प्रमुख कार्यकारी अधिकृत एवं प्रवक्ताश्री प्रकाशकुमार अधिकारी, बरिष्ठ पत्रकार मधुसुधन गुरागाईं, नेपाल बैकका बाग्मती प्रादेशिक कार्यालयका प्रमुख श्री बिनयकेशरी पौड्याल, नेपाल बैंक मार्केटिङ् तथा अनुसन्धान डिभिजन प्रमुख श्री अर्जुन बहादुर कंडेल,बिभिन्न राजनीतिक दलका स्थानीय जनप्रतिनिधिहरु लगायतका अतिथिहरु, व्यापारीहरु, व्यवसायीहरु तथा बिद्यार्थीहरु लगायत स्थानीयबासीको उपस्थितीमा उक्त कार्यक्रम सम्पन्न भएको थियो ।


तपाईको प्रतिक्रिया