पछिल्लो दुई वर्षमा फिल्ममा निकै परिवर्तन देखिएको छ । ओटीटीको रुपमा नयाँ प्लेटफर्म विकसित रुपमा आएको छ । जसमा स्टार भ्यालु फिका मानिएका कलाकारहरु पनि चम्किएका छन् । ओटीटी प्लेटफर्मको बढ्दो वर्चस्वलाई नियाल्दा केहीले यसले बलिउडमा स्टारडमको युग सकिएको दाबी गरेका छन् । तर अभिनेता सलमान खान यो भनाईमा सहमत छैनन् ।

हालैको एक मिडिया अन्तरक्रियामा सलमानले यो विषयमा आफ्नो भनाई राखेका छन् । ‘हामी जान्छौं त कोही अरु आउछन् । मलाई लाग्छ स्टार युगको अन्त्य हुँदैन । यो जहिल्यै रहन्छ । कलाकारको फिल्म छनोट, वास्तविक जीवनमा तपाईं कस्तो हुनुहुन्छ भन्ने कुरामा भर पर्छ । अहिले यो कैयौं चिजको प्याकेज बनेको छ । अब युवा पुस्तासँग आफ्नो सुपर स्टारडम हुनुपर्छ’, उनले भनेका छन् ।

‘म कैयौं वर्षदेखि सुनिरहेको छु कि यो अन्तिम पुस्ता हो । हामी युवापुस्ताका लागि सबै कुरा यति सजिलै छोड्ने छैनन् । हामीले उनीहरुलाई सबै कुरा छोडेर जाँदैनौं । मेहनत गर्नुहोस् । पचास प्लसमा हामी मेहनत गरिरहेका छौं । त्यसकारण तपाईं पनि मेहनत गर्नुहोस्’, उनले अगाडि भनेका छन् ।

सलमान हालका दिनमा आफ्नो फिल्म ‘अन्तिमः द फाइनल ट्रुथ’को रिलिजको तयारीमा छन् । फिल्मका निर्देशक महेश मान्जरेकर हुन् । फिल्ममा सलमान एक प्रहरी अधिकृतको भूमिकामा छन् । यो फिल्ममा सलमानका ज्वाइँ आयुष शर्मा ग्याङस्टारको भूमिकामा छन् । फिल्म नोभेम्बर २६ मा रिलिज हुँदैछ ।


तपाईको प्रतिक्रिया