काभ्रे (पनौती) – पनौतीमा घुम्नु पर्ने ठाउँहरु काभ्रेपलाञ्चोक जिल्लाको पनौती नगरपालिकाले नगरपालिका घुम्ने स्थान र गर्न पाइने गतिविधिहरु सार्वजनिक गरेको छ ।

बुधबार नेपाल पर्यटन बोर्डमा नगरपालिका भित्र रहेका घुम्नै पर्ने स्थानहरुको पर्चा विमोचन गरेको हो । नगरपालिकाले आफ्नो नगरपालिका भित्र रहेका विभिन्न घुम्नै पर्ने स्थान र गर्न पाउने गतिविधिहरु सार्वजनिक गर्दै पनौती नगरपालिकामा पर्यटनको प्रवल सम्भावना भएको बताएको छ ।

मनोरम पहाड, खेत तथा हिमश्रृंखलाहरुको दृश्यले आगन्तुकहरुलाई आनन्द प्रदान गर्ने मनोरम स्थानहरु रहेको निस्कर्ष रहेको छ । साहसीक पर्यटनका लागि पनि पनौती उपर्युक्त स्थान रहेको भन्दै नगरपालिकाले पनौतिमा मनोरञ्जनात्मक कार्य गर्नको लागि प्याराग्लाडिङ, रक क्लाइम्बिङ जस्ता खेलहरु रहेको बताएको छ ।

पनौती–नमोबुद्ध हाइक, बल्थली इको–ट्रेक –लोल्याण्ड ट्रेक), साँगा–पनौती हाएक (कम्युनिटी हाइक), गुर्दुम–महाभारत पदयात्रा, माउण्टेन बाइक (फूल्चोकी वरीपरी),बर्ड वाचिङ (चराको दृश्यावलोकन), योग रिट्रट, सामुदायिक र नीजि होमस्टे, तामाङ सांस्कृतिक पदयात्रा मार्ग, जात्रा मेला अवलोकन भ्रमण गर्नेपर्ने गतिविधिहरु हुन् ।

पनौतीको पर्यटन समितीको सकृयताको कारणले यो कार्य सम्पन्न भएको हो । निरन्तर पर्यटन गतिविधीमा सकृय संयोजक पुरुषोत्तम अधिकारीको योजनाले पर्यटकीय क्षेत्र बनाउन र आन्तरिक तथा बाह्य पर्यटक बढाउन कोसे ढुंगासावित हुने अपेक्षा गरिएको छ । सो पुस्तिका सार्वजनिक कार्यक्रमको संचालन तथा सहजीकरण बरिष्ठ प्रशासकीय अधिकृत इन्द्र अधिकारीले गर्नुभएको थियो ।


तपाईको प्रतिक्रिया