आईसीसी एकदिवसीय विश्वकप क्रिकेटको सेमिफाइनलमा पुग्ने चार टिमको टुंगो लागेको छ । शुक्रबार बंगलादेशविरुद्धको खेलमा पाकिस्तानले ठूलो योगफल बनाउन नसकेपछि अष्ट्रेलिया, भारत, इंग्ल्याण्ड र न्यूजिल्याण्डले सेमिफाइनलमा स्थान बनाएका छन् ।

टस जितेर पहिला ब्याटिङ गरेको पाकिस्तानले ४ सय रन बनाएर बंगलादेशलाई ३१६ रनले पराजित गर्न सकेको भए उसको सेमिफाइनलमा स्थान पक्का हुने थियो ।

तर टस जितेर पाकिस्तानले नौ विकेटको क्षतिमा ३ सय १५ रन मात्र बनाउन सक्यो । ३ सय १५ बनाएको पाकिस्तानले सेमिफाइनलमा पुग्नका लागि बंगलादेशलाई सात रन वा त्योभन्दा कम स्कोरमा रोक्नुपर्नेछ । तर यो असम्भव नै हो ।

पाकिस्तानका लागि इमाम उल हकले शतक बनाए भने बाबर आजम ९६ रनमा आउट भए । यसैगरी मोहम्मद हफीजले २७ रन बनाउँदा इमाद वसिमले ४३ रन जोडे । बंगलादेशका लागि मुस्तफिजुर रहमानले ५ तथा मोहम्मद सैफुद्दिनले ३ विकेट लिए ।


तपाईको प्रतिक्रिया