#गजल
ठिकै हो जे उसले दिन सक्छ त्यो म दिन सक्दिन
मैले दिने यहि मायाँ मात्रै त हो, सुख दिन सक्दिन
उसको दिलबाट निकालिए पछि म बेघर भएको छु
माफ गर् आँसु तँलाई आँखामा बस्न दिन सक्दिन
छोरो आश्रममा भेट्न आएन केही गुनासो छैन मेरो
आयो भने कसरी फर्केला? बाटो खर्च दिन सक्दिन
अरु छैन म संग मट्टीतेलमा डुबेर सहयोग नमाग्नुस्
छातिभरी तपाईंले लगाएको आगो छ दिन सक्दिन
मेरो जिबनको पनि मुल्य रहेछ , बल्ल थाहा पाएँ
जहर माग्दा पसलेले भन्यो सित्तैमा त दिन सक्दिन
Dinesh Mudbari
Gorkha
तपाईको प्रतिक्रिया
