पत्नीको उपचार सफल भएको र स्वास्थ्यमा सुधार आउने डाक्टरहरुले बताएको प्रचण्डपुत्री गंगा दाहालले सामाजिक सञ्जालमा लेखेकी छिन् ।

अमेरिकामा रहँदा प्रचण्ड त्यहाँस्थित नेपाली दूताबासमा बसेका थिए । प्रचण्ड परिवारको उपचार एवं भ्रमणको सम्पूर्ण व्यवस्थापन राजदूत अर्जुन कार्कीले गरेका थिए । प्रचण्डको अमेरिका बसाइका क्रममा राजदूत कार्कीले आइबार दूताबासको सरकारी भवनमा नेपालस्ी समुदायसँग रात्रीभोजको समेत आयोजना गरेको अमेरिकामा रहेका नेपाली समुदायको भनाइ छ ।

अमेरिका बसाइका क्रममा प्रचण्डले मेरील्याण्ड राज्य प्रदेश संसदको अवलोकनसमेत गरे । त्यसक्रममा नेपाली मूलका सांसद ह्यारी भण्डारीले प्रचण्डलाई स्वागत गरेका थिए ।

त्यसेगरी राष्ट्र संघका लागि नेपाली स्थायी नियोग न्युयोर्कका स्थायी प्रतिनिधि राजदूत अमृतबहादुर राईसँग पनि प्रचण्डले भेटघाट र छलफल गरेका थिए ।

त्यसैगरी प्रचण्डले अमेरिकी विदेश मन्त्रालयकी दक्षिण र मध्य एशिया मामिला हेर्ने निमित्त सहायक मन्त्री एलिस जी वेल्ससँग विदेश मन्त्रालयमै पुगेर भेटवार्ता गरेका थिए ।

पूर्वप्रधानमन्त्रीसमेत भइसकेका व्यक्तिले विदेश मन्त्रालयका कनिष्ठ कर्मचारीलाई भेटेको भन्दै अमेरिकामा रहेका नेपाली समुदायका कतिपय व्यक्तिहरुले विरोध समेत गरेका छन् ।


तपाईको प्रतिक्रिया